INFO:

ಸಂಸತ್‌ನಲ್ಲಿ ಆಪರೇಷನ್‌ ಸಿಂಧೂರ ಚರ್ಚೆ ಜೋರಾಗಿದ್ದು, ಕಾಂಗ್ರೆಸ್‌ ಹಾಗೂ ಬಿಜೆಪಿ ನಾಯಕರ ನಡುವೆ ದೊಡ್ಡ ವಾಕ್ಸಮರವೇ ನಡೆದಿದೆ. ಅದರಲ್ಲೂ ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಹಾಗೂ ಕಾಂಗ್ರೆಸ್‌ ಸಂಸದೆ ಪ್ರಿಯಾಂಕಾ ಗಾಂಧಿ ವಾದ್ರಾ ನಡುವೆ ಮಾತಿನ ಗುದ್ದಾಟವೇ ನಡೆಯಿತು. ಅಮಿತ್‌ ಶಾ ಮಾತನಾಡುವಾಗ ಪ್ರಸ್ತಾಪಿಸಿದ ಅನೇಕ ವಿಷಯಗಳಿಗೆ ಪ್ರಿಯಾಂಕಾ ಗಾಂಧಿ ತಿರುಗೇಟನ್ನು ನೀಡಿದರು. ಇಬ್ಬರ ನಡುವಿನ ಮಾತಿನ ಸಮರ ಅನೇಕ ಕಾರಣಕ್ಕೆ ಗಮನಸೆಳೆದಿದೆ. ಗೃಹ ಸಚಿವ ಅಮಿತ್ ಶಾ ಅವರು ಕಾಶ್ಮೀರ ವಿಷಯದಲ್ಲಿ ಮಾಜಿ ಪ್ರಧಾನಿ ಜವಾಹರಲಾಲ್ ನೆಹರೂ ಅವರ ನಿಲುವನ್ನು ಪ್ರಸ್ತಾಪಿಸಿದರೆ, ಕಾಂಗ್ರೆಸ್ ಸಂಸದೆ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರು, ಆಡಳಿತ ಪಕ್ಷವು ಗತಕಾಲದಲ್ಲೇ ಸಿಲುಕಿಕೊಂಡಿದೆ, ಆದರೆ ವಿಪಕ್ಷಗಳು ವರ್ತಮಾನದ ಸಮಸ್ಯೆಗಳ ಮೇಲೆ ಗಮನ ಹರಿಸಲಿವೆ ಎಂದು ತೀಕ್ಷ್ಣವಾಗಿ ತಿರುಗೇಟು ನೀಡಿದರು.