INFO:

ಭಾರತದ ಮೇಲೆ ಸುಂಕ ಗದಾಪ್ರಹಾರ ಮಾಡಿದರೆ ಯಾರೂ ಕೇಳುವುದಿಲ್ಲ ಎಂದುಕೊಂಡಿದ್ದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌, ಈ ವಿಚಾರವಾಗಿ ಜಗತ್ತನ ಹಲವು ದೇಶಗಳು ನೀಡುತ್ತಿರುವ ಪ್ರತಿಕ್ರಿಯೆಗಳಿಂದ ದಂಗಾಗಿದ್ದಾರೆ. ಅಮೆರಿಕದ ಸುಂಕ ವಿಚಾರವಾಗಿ ರಷ್ಯಾ ಮತ್ತು ಚೀನಾ ಭಾರತದ ಪರವಾಗಿ ಧ್ವನಿ ಎತ್ತಿವೆ. ಅದೇ ರೀತಿ ಇಸ್ರೇಲ್‌ ಕೂಡ ಈ ವಿಚಾರದಲ್ಲಿ ತಟಸ್ಥ ಹೇಳಿಕೆ ನೀಡಿದ್ದು, "ಟ್ರಂಪ್‌ ಅವರೊಂದಿಗೆ ಹೇಗೆ ವ್ಯವಹರಿಸಬೇಕು ಎಂಬುದರ ಬಗ್ಗೆ ನಾನು ಪ್ರಧಾನಿ ಮೋದಿ ಅವರಿಗೆ ಸಲಹೆ ನೀಡುತ್ತೇನೆ" ಎಂಬ ಇಸ್ರೇಲ್‌ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ಹೇಳಿಕೆ ಇದೀಗ ಭಾರೀ ಮಹತ್ವ ಪಡೆದುಕೊಂಡಿದೆ.